Мото релито кое се одржува по повод независноста на Република Македонија премина во традиционален настан од меѓународен карактер кој обединува голем број на мотоциклисти од цела Европа, но и од светот.

Стартот на годинешното Мото рели Македонија 2008 ќе се случи на 6 септември во Скопје од каде мотоциклистите заминуваат на пат во источните предели на Македонија.

По целодневната рута низ Источна Македонија учесниците на релито пристигнуваат во Дојран каде што и ќе преноќат. Вториот ден од стартот на релито маршрутата од Дојран ги води мотоциклистите кон Охрид.

Вечерните часови кога е планирано пристигнувањето во Охрид ќе бидат исполнети со голема забава и културно уметничка програма каде воедно ќе бидат доделени и наградите и признанијата на учесниците во релито.

Последниот ден од релито, поточно на 8 септември караванот се враќа на почетната дестинација, поточно во Скопје, а на патот кон главниот град на републиката ќе минат крај уште еден македонски бисер, Мавровско Езеро.

Се очекува на собирот да присуствуваат около 80 мотоциклисти од странство и 250 домашни мото заљубеници.

Сите оние што сакаат да учествуваат на Мото рели Македонија 2008 можат да се пријават во Мотоциклистичката федерација на Македонија. Котизацијата за учество изнесува 1.00 денари, а во неа влегуваат двете ноќевања, храната и секако присуството на забавната програма.

Рута на Мото рели Македонија 2008

Ден - 1 06.09.2008

Скопје – Куманово – Страцин – Кратово – Пробиштип – Крупиште – Кочани – Македонска Каменица – Делчево – Пехчево – Берово – Струмица – Дојран

Ден – 2 07.09.2008

Дојран – Гевгелија – Неготино – Кавадарци – Прилеп – Битола – Ресен – Галичица – Охрид

Ден – 3 08.09.2008

Охрид – Струга – Дебар – Маврово – Гостивар – Тетово - Скопје