Новаков треба да ја наследи успешната кариера на својот предходник и како за почеток се нуди со поголема палета на мотори. Застапникот за групацијата Renault-Nissan кај нас, Аутомотив Груп го продава Twingo во неколку бензински и дизел верзии и  со богатство од опрема.

Моторната понуда стартува од бензинецот со зафатнина од 1.2 литри со 60 и 75 коњски сили, а круна е верзијата со турбо полнач кој од 1.2 литарецот извлекува 100 коњски сили доволни за малечкото да му понуди вистински возачки страсти на својот сопственик. Меѓу нив е сместен и познатиот турбо дизел 1.5dCi кој се нуди само во верзија со 65 коњски сили.

Twingo за разлика од својот претходник на тестот за безбедност на Euro NCAP освои 4 ѕвезди, односно со 28 бодови од можни 37. Што значи дека сега Twingo е многу побезбеден автомобил од својот претходник кој во 2003 на EuroNCAP освои само 3 ѕвезди.

Освен безбедност во Renault се потрудија новото Twingo да биде многу подинамичен, но и попрактичен автомобил поради што автомобилот денес и се обраќа на широка група на купувачи.