Серијата ќе се нарекува Aston Martin Asia Cup AMAC и се состои од 12 трки кои ќе се возат во азиско-пацифичкиот регион вклучувајќи ги Кина, Јапонија, Малезија и Сингапур.

На секоја трка ќе стартуваат 18 автомобили Aston Martin Vantage N24 со 4.3 литарски мотор кој веќе се натпреваруваше во слични серии во Европа и Среден Исток. Моќниот V8 остварува 410 КС и го задвижува автомобилот тежок 1.305 килограми.

Осумнаесетте автомобили на AMAC ја носат последната верзија автоматизираниот мануелен менувач Sportshift и дополнително се опремени со заштитни кафези, безбедносни резервоари за гориво, тркачки школкасти седишта и соодветни ремени во шест точки и систем за гасење на пожар.

Како дополнување на наградите и трофеите, победникот на серијата ќе биде награден со спонзорство за да се натпреварува во серијата GT4 на FIA со Vantage N24 во 2009.