Новиот Peugeot 908 HDi FAP оствари најдобро време и го завзеде првото место со недодирливиот шампион од серијата Cahmp Car, Себастијан Бурдаи, кој ја мина патеката за 3 минути и 26,707 секунди.

Нормално француските фанови полудеа поради тоа. Одамна не се случило една ваква се француска комбинација да доминира на Леман.

Времињата на Себастијан Бурдаи беа околу две секунди подобри од најбрзиот Audi R10 TDI на Пиро. Но, Peugeot ништо не му препушта на случајот и продолжува напорно да работи пред стартот на големата трка.

Шкотланѓанецот Алан Мекниш со вториот Audi R10 TDI беше две десетинки поспор од Пиро, додека првиот бензински болид кој возеше најблизу до Peugeot и Audi беше Pescarolo со возачката постава Булијон/Дума/Колард.

Дебитантот на Леман, Жак Вилнев возеше одлично во вториот Peugeot 908 HDi FAP но, оствари само петто време дури 4 секунди зад Бурдаи.