Во 2008 на Индијанаполис ќе се вози Moto GP. Брза замена нема што. Воедно индикатор дека преговорите со носителот на правата за Moto GP веќе биле во поодмината фаза пред да пукне тиквата со Берни Еклстоун.

Со трката во Индијанаполис календарот за 2008 на Moto GP  се зголемува на 18 настани, а Инди ќе се вози на 14 септември.

Обликот на патеката ќе биде изменет за да ги задоволи параметрите потребни за трка со мотоцикли. Новиот облик на патеката ќе има дополнителни четири свијоци во делот каде се наоѓа елипсата со што бројот на свијоци ќе се зголеми на 16.

Идната година ќе биде прв пат по 1909 или две години пред претставувањето на Индијанаполис 500, мотоцикли да се натпреваруваат на оваа патека.