Букурешт Ринг како што се нарекува патеката е долга околу 3 километри и кружи околу парламентот. Според планот покрај патеката треба да се постават трибини кои ќе обезбедат место за околу 70.000 посетители. Дизајнот е на прославениот архитект за патеки германецот Херман Тилке.

Големи тркачки настани веќе чекаат во ред за да стартуваат на новата патека. Меѓу кои и Шампионатот FIA GT, Европскиот шампионат FIA GT3, Интернационалната серија British Formula 3, како и домашниот Logan Cup. За патеката во Букурешт е најавена и серијата GP Masters, во која тркачките легенди ја оживуваат славата на деновите минати зад волан.

Автомобил од FIA GT би требало да ја мине патеката за околу 1 минута и 15 секунди со просечна брзина од 148,6 km/h. Брзо нели! Можеби ова ќе биде урнек за законодавците да забрзаат со правната регулатива за патеката.