Јавна закана до FIA испрати денес првиот човек на Ф1, најавувајќи им на челните луѓе од светската автомобилистичка федерација дека доколку по сезоната 2014 гледаноста и продажбата на билети...

се намали, двете страни ќе се видат на суд.

Еклстоун беше еден од најголемите противници на првопланираните мотори со четири цилинди и зафатнина од 1600 кубни сантиметри. Иако беа додадени додатни два цилиндри на претходните четири, а воведувањето на новите мотори беше одложено за една година, Берни Еклстоун се чини како да е скептик околу новите правила и регулативи кога се во прашање агрегатите.

Покрај тоа, неколку организатори најавија дека ќе преминат во американската IndyCar серија, токму поради воведувањето на нисколитражните мотори.

„Ф1 не е Ф1 доколку не звучи како Ф1,“ - изјави Еклстоун за Independent. „Организаторите на трките веруваат дека овие нови мотори ќе го одземат она поради што луѓето доаѓаат на Ф1 трки. Тоа е гламурот на буката и поради тоа тие не би можеле да продаваат толку карти колку што продаваат сега, а така не би можеле да ни платат нас.“

„Тие имаат договор со нас и доколку тие не можат да не исплатат зошто немаат посетеност, не би имал ништо против нив, туку ќе ја тужам FIA.“ - категорично порача Еклстоун.

Имено, слични моторо со турбо полнач беа користени и во времето кога Берни Еклстоун беше тимски шеф во Ф1, но и покрај тоа, стравот од намалување на профитабилноста на најбогатиот спорт на светот постои.

Превземено од: pitstop.com.mk!