Официјалното соопштение од Ferrari пристигна откако FIA одлучи да воведе нови измени во правилата за 2010 кои се засновани на, според Монтеземоло, произволни тумачења на техничките правила и нови економски параметри кои го спречуваат развојот.

Во Ferrari нагласуваат дека доколку во FIA не се смени начинот на размислување и не се ревидираат правилата за 2010 кои во прв план се донесени без да се консултираат тимовите, тие по 60 годишното учество во Формула 1 конечно ќе се повлечат од спортот.

Да нагласиме дека Ferrari e единствениот конструктор кој учествувал во сите сезони на Формула 1 од нејзините зачетоци во 1950.

Ferrai дополнително го истакнува своето разочарување од методите на FIA во начинот на носење одлуки кои се од есенцијално значење за Формула 1 и чива природа е премногу сериозна за да не претходи консултирање со конструкторите и тимовите.

Соопштението на Ferrari е прво што еден тим го упатил по откривањето на правилата на FIA за 2010, а доаѓа откако почнаа да кружат гласини дека и Toyota, Red Bull, BMW... набрзо ќе излезат со слични соопштенија.

Се чини дека само Brawn, Williams и Force India ќе успеат да го запазат крајниот рок за доставување официјални апликации за учество во Формула 1 во следната сезоната.

Претседателот на FIA, Макс Мозли пред една седмица истакна дека Формула 1 може да преживее и без Ferrari, но дали откажувањaтa од кралицата на мотоспортот ќе застанaт тука.