Себастијан Фетел ја извојува неговата шеста победа сезонава доминирајќи на трката за Големата Награда на Европа во Валенсија. Да биде уште подоминантен викендот, Германецот откако ја освои...

пол-позицијата претходниот ден, успеа да оствари хет-трик поставувајќи го и најбрзиот круг од трката.

Зад него Алонсо и Вебер и покрај сите обиди успеаа само да го пополнат подиумот, додека Хамилтон конечно успеа да има чиста трка освојувајќи драгоцени 12 бодови со четвртото место.

Круг 1: Низ првиот свиок поминуваат Фетел, Вебер, Алонсо и Маса. Розберг го поминува Батон.

Круг 2: Најмногу позиции по стартот изгубија Петров и Малдонадо, додека најмногу добија Буеми и Глок

Круг 3: Фетел води со 1.8 секунди предност. DRS системот е дозволен.

Круг 4: Ветел го зголемува водството, додека Батон и со DRS мака мачи со Розберг.

Круг 6: Батон конечно успева да го претекне Розберг. Вебер поставува најбрз круг на трка.

Круг 8: Разликата помеѓу Вебер и Алонсо е под една секунда.

Круг 11: Малдонадо е првиот возач што влегува во бокс.

Круг 12: Хајтфелд, Баричело и Кобајаши влегуваат по промена на гуми.

Круг 13: Хамилтон и Розберг во пит по нови меки гуми.

Круг 14: Шумахер е претекнат од Хамилтон, додека Вебер, Фетел и Алонсо влегуваат во бокс по меку гуми.

Круг 15: Шумахер влегува во бокс но при излезот има контакт со Петров при што продолжува со оштетено предно крило, но и покрај тоа успева да претекне болид на Force India.

Круг 16: По питот на Маса, Фетел се враќа на првата позиција. Шумахер во бокс по нови меки гуми и ново предно крило.

Круг 18: Алонсо ја продолжува битката за втората позиција приближувајќи му се на Вебер.

Круг 21: Со помош на DRS системот Алонсо конечно успева да го претекне Вебер за второто место.

Круг 24: Хамилтон влегува во пит по нови меки гуми.

Круг 29: Вебер влегува во бокс и се враќа на четвртата позиција на патеката. Хамилтон со нов најбрз круг и покрај советот од тимот да ги чува гумите.

Круг 30: Алонсо влегува во бокс по нови меки гуми, но при излезот ја губи втората позиција од Вебер. Фетел по нови меки гуми.

Круг 31: Батон и Розберг го остваруваат нивниот втор пит стоп. Вебер со леснотија го поминува Маса за второто место кој пак е со стари гуми.

Круг 32: Маса по бавниот пит стоп при менувањето на гумите се враќа на шестата позиција веднаш пред Батон.

Круг 33: Шумахер по промена на гуми.

Круг 40: Нов најбрз круг за Фетел зголемувајќи го водството врз Вебер на 3.4 секунди. Розберг го поминува Алгуерсуари за седмото место.

Круг 43: Хамилтон во бокс по тврдата компонента на гуми, притоа се враќа шестата позиција.

Круг 46: Алонсо по новиот пит стоп излегува пред Вебер. Овации во шпанската публика.

Круг 47: Розберг и Фетел во бокс. Шампионот излегува со 10 секунди водство пред Алонсо.

Круг 49: Маса и Батон во бокс по тврди гуми.

Круг 54: Фетел го поставува најбрзиот круг од трката: 1:41.852

Круг 57: Фетел победува поминувјќи ја прв стартно-целната линија. Зад него следат Алонсо, Вебер, Хамилтон и Маса.

Резултати од ГН на Европа:

Превземено од: pitstop.com.mk!