Во моментов календарот има 18 трки, но Абу Даби веќе се подготвува за да ја здоми својата прва трка во Формула 1 следната година, а Јужна Кореа во 2010. Но, со своите претензии за да бидат домаќини на трка во Формула 1 се и Индија, Русија, Дубаи и Катар. Сепак, заклучокот на шефовите на тимови во Формула 1 е дека некаде треба да се повлече граница.

„Моето цврсто верување е дека сезоната треба да се прошири, но не повеќе од 20 гранприја,” го изрази својот став на состанокот Рон Денис.

„Дваесет е вистинскиот број,” изјави шефот на Honda, Ник Фрај и дополнува: „Формула 1 треба да оди онаму каде што потенцијалот на пазарот е голем, но мора да се прави баланс меѓу традиционалните патеки во Европа и новите држави и континенти. Ова е од витално значење.”

Неговиот колега од Red Bull, Кристијан Хорнер исто така ја поддржува иницијативата: „Дваесет е голем број, но е разумен број,” и додава: „Тоа е голем логистички предизвик, но на начинот на кој соработуваат тимовите во саморегулирање на тестирањето, сепак е возможно.”

Иако среќен поради проширувањето на Формула 1, Рон Денис исто така е и загрижен бидејќи проширувањето ќе оди на сметка на паузата преку зима која според него не само што е важна заради логистички подготовки туки и за да се предизвика чувство на нетрпеливост и очекување во срцето и умот на фановите.