Разликата помеѓу Глок и Фетел е само во болидите, вели Германецот кој е дел од тимот на Virgin, а истото ќе го докаже на „Трката на шампионите“ која што ќе се одржи овој викенд во Дизелдорф.

По напуштањето на Toyota од Ф1, Глок премина во Virgin, каде што сеуште нема забележано поени. Последниот пат кога Германецот стигнал до поени е трката во Сингапур во 2009, каде што заврши како втор, но иако се наоѓа на „опашката“ од поредокот, тој не мисли дека Фетел е подобар возач од него.

Запрашан дали е мотивиран да го победи Фетел викендов во Дизелдорф, Глок одговори: „Многу. Знам дека сум исто толку добар како Фетел. Доколку и јас бев во Red Bull, одлучувачка ќе беше само формата. Поради тоа многу сум љубопитен да видам каков ќе биде исходот од Дизелдорф.“

Глок ќе биде дел од Ф1 друштвото и наредната сезона, заедно со Чарлс Пик кој ќе биде неговиот нов тимски колега.

Во продолжение, Германецот се наврати на неговите денови во јапонскиот тим и пронаоѓањето на мотивација да се продолжи иако се бори за повисока позиција со третолигашите.

„Смешна е ситуацијата во која се наоѓам. Неодамна ми се јави еден механичар од мојот поранешен тим и ме запраша како останувам мотивиран кога до пред две сезони се боревме за подиум, а сега за 20-тото место,“ - продолжи Глок. „Одговорот е едноставен, јас секогаш сум мотивиран кога седнувам во болидот, иако во повеќето трки овие две сезони знаеме дека ништо не можеме да направиме.“

Превземено од: pitstop.com.mk!