Бројот од името на новиот автомобил МР4-23 се поклопува со годините на Хамилтон, а беше претставен во музејот на Mercedes во Штутгарт. Според зборовите на одговорните во Вокинг, болидот бил завршен доцна во ноќта на 6 јануари и бил префрлен во 1.000 километри оддалечената претсотлнина на Mercedes.

Годинечниот болид на McLren-Mercedes беше откриен од извршниот директор на Mercedes, Дитер Цетче, a на гала отворањето покрај останатите високи чиновници и претставниците на медиумите беа поканети и 700 работници од фабриката во Штутгарт.

McLaren MP4-23 веќе се наоѓа на пат кон тркачката патека во Херез, на југот од Шпанија каде треба да започнат првите тестирања годинава. А Хамилтон, Ковалаинен и Де ла Роса ќе бидат тие што први ќе ги дадат оценките за работата на одделот за развој и дизајн на McLaren.