Во објавата е наведено дека проектот ќе се одвива во соработка со Автомото сојузот на Србија кој веќе е член на Светската асоцијација на автомобилски клубови чив претседатал е Мозли.

Нема подетални информации за проектот, како кога ќе се стартува со изградба на патеката за Формула 1, но целата работа влева надеж за Србија бидејќи минатата годдина и Берни Еклстоун исто така го посети Белград и разговареше со Коштуница за место во календарот на Ф1.

Коштуница во својата изјава става акцент на важноста на проектот за развој на мотоспортот во Србија и развојот на туризмот преку кој се очекува промоција и на државата.

Во разговорот помеѓу Мозли и Коштуница станало збор и за иднината на Милош Павловиќ кој е најпроминентниот возач на Србија. Дваесет и пет годишниот Павловиќ е спонзориран од Нафтената индустрија на Србија и од српскиот телеком.

Павловиќ годинава се натпреваруваше во Светската серија на Renault и ја заврши сезоната на трето место.