Откако стана повеќе од очигледно дека Роберт Кубица нема да биде доволно опоравен за настап со Renault на барем една трка оваа сезона, неговиот доктор најавува негово целосно опоравување...

за неколку месеци.

Полјакот ја пропушти речиси цела сезона од 2011, откако во Февруари настрада на рели во Италија, заработувајќи неколку сериозни скршеници, поради кои беа направени неколку хируршки зафати. Сите во неговиот тим го очекуваат неговото враќање, за кое Ерик Булие се надеваше дека ќе биде на последната трка во Бразил, но неговиот доктор соопшти лоши вести за Французинот.

Според докторот Чекарели, прогресот кој што Кубица го покажува е бавен, но неговата цел е што поскоро враќање на Ф1 патеките.

„Нашата цел е да го вратиме Роберт во Ф1,“ - појасни докторот Рикардо Чекарели. „Но сеуште ни недостигаат неколку месеци на рехабилитација. Раните од несреќата беа многу големи и многу мои колеги и специјалисти отфрлија негово враќање во Ф1.“

„Сепак клинички, тој е се подобар и подобар и се надевам дека ќе го видам во 2012 како настапува во Ф1.“

Превземено од: pitstop.com.mk!