Изгледаше застрашувачки од самиот старт. Ги надвози пулените на McLaren, изедначувајќи ја брзината со Хамилтон на почеток полека почна да притиска и наметна темпо кое неможеше да се следи.

Фасцинантна трка за Кими, но и многу поучна.

Кими научи дека доколку битката за шампионската титула се сведе на двобој меѓу него и Хамилтон треба да очекува тежок противник кој не се плаши жестоко и безмилосно да ја брани својата позиција нешто налик на Шуми.

Исто така Хамилтон не прави грешки – пропустот во питстоп беше мало потклекнување и најверојатно нема да се повторни, а ниту McLaren нема да биде олку слаб.

Раиконен досега научи дека талентот единствено нема да му помогне во трката по титула. Тестираше долго и напорно пред Силверстон и резултатот дојде само по себе.

Трката за ГН на Британија е најава за она што следи во остатокот од сезоната. Нападот на Кими почна токму тука. McLaren треба да биде загрижен.