Договорот потпишан меѓу шефот на Формула 1 и индиската компанија JP Associates вклучува градење на патека во близина на главниот град на Индија, Њуделхи.

„Индија одсекогаш била позната по манијата за крикет, но, со ширењето на Формула 1 и растењето на нејзината популарност последниве години како што прикажуваат бројките за гледаноста, работите полека почнуваат да се менуваат,” изјави Еклстоун по потпишувањето на договорот.

Со најавата дека индискиот возач Karun Chandhok наскоро ќе вози во Формула 1 и најавата за идно гранпри, според предвидувањата во Индија би требало да се случи експлозија на интерес која ќе ја поистовети Формула 1 со традиционалниот спорт.