Tимот на Red Bull се наоѓа во финални преговори со моменталниот снабдувач на мотори - Renault, за продолжување на соработката која ќе опфати и користење на новите V6 турбо мотори во 2014.

Иако партнерството Red Bull - Renault се покажа како успешно, тимот на Red Bull на моменти не беше задоволен од моторите на својот снабдувач, а последните две сезони тие се обидоа да обезбедат мотори од Mercedes.

Договорот на Red Bull и Renault истекува на крајот од сезоната 2012.

„Ние се обидуваме да соработува со голем производител. Renault ќе остане нашиот прв избор кога се во прашање моторите за сезоната 2013 и понатаму.“ - изјави сопственикот на тимот, Дитрих Матешиц.

Советникот на Red Bull, Хелмут Марко, очекува дека неговиот тим ќе соработува со Renault и во 2014, a со тоа ќе го користат новиот 1.6 V6 мотор од Renault.

„Преговорите со Renault за сезоната 2013 и понатаму се одвиваат добро. Очекуваме да го користиме новиот мотор од Renault.“

„Преговорите со Renault започнаа пред да настане ситуацијата околу новите мотори. Ние добивме позитивни сигнали од Renault во врска со новиот 1.6 V6 мотор, но сеуште треба да ги договориме деталите.“ - додаде Марко.

Renault има планови за снабдување на четири тимови во иднина, откако тимот на Williams прави напори да им се придружи на Red Bull, Lotus Renault и Team Lotus.

Превземено од: pitstop.com.mk!