Тимот на јапонската марка се мачи во големиот циркус веќе половина декада и покрај тоа што има еден од најголемите буџети во Формула 1. Според Јамашина за Toyota да стане силна многу поважно е да се подобри степенот на организација отколку се да се потпира на способностите на еден човек.

„Мојата работа е да ги мобилизирам сите расположиви ресурси за да го постигнам тоа. И за тоа ми се дадени уште две години. Затоа ќе работиме напорно и ќе се бориме жестоко за да се докажеме и себе си и на светот во слдната сезона,” вели Јамашина.

Тажно е што Јарно Трули и Ралф Шумахер освоија само 13 бода во 2007, а најдобро пласираната позиција беше шесто место. Toyota планира да го претстави болидот за 2008 на 10 јануари, а бо кокпитот покрај Трули ќе седи и ново крунисаниот шампион од серијата GP2, Тимо Глок.

„Искуствата од минатата сезона ми го обелоденија фактот дека имаме уште многу работа и треба да продолжиме да притискаме со сите сили за да стигнеме до врвот.”

„Нашата цел на почетокот од сезоната 2007 беше да бидеме предводници на втората група и полека и постепено да ја намалуваме разликата меѓу нас и водечките тимови, но на крај резултатите покажаа дека сме биле премногу оптимисти,” признава Јамашина.