Според објавената статистика во текот на 2007 во Германија се украдени 16.502 возила што е за 13% пониска стапка на кражби во однос на претходната 2006.

Колку за споредба пред точно 15 години бројката на украдени возила била 6 пати повисока од бројките добиени за 2007.

Статистиката е децидна и вели дека највеќе на мета на крадците се постари модели пред се затоа што технологијата на заштита од кражба кај нив е на пониско ниво и е полесна за обивање, но и затоа што побарувачката на резервни делови за нив е далеку поголема.

Можеби делува изненадувачки, но моделите кои се стари 10 и повеќе години најчесто се предмет на кражба. Според статистиката нив ги снемува повеќе отколку некој современ автомобил.

Првото место за најкраден модел во 2007 во Германија е VW Caravelle Multivan 2.5 TDI. Средната вредност од проценката на осигурителните компании исплатена за штета од кражба изнесува 18.943 евра. Во 2006 овој модел бил на трето место.

Второто и третото место на списокот го окупираат BMW X5 3.0d и Porsche Cayenne S, а средната вредност што осигурителните компании ја исплаќаат за штета од кражба изнесува 35.334, односно 50.850 евра.

Четврто и петто место за најчесто крадени возила го добиваат Mercedes E250 D тип W124 и BMW 725tds тип Е38.

Од вкупно 2.800 автомобили кои имале каско осигурување минатата исчезнале 4. Најпосакувани марки се Audi, BMW, VW и марките на General Motors.

Најнеатрактивни за крадците се Mercedes, Seat, Rover и Saab.