Секако дека до сега САД ја победуваа Европа кога станува збор за продажба на автомобили но бројките остварени годинава велат дека таа разлика е смалена многу и дека станува збор за малку повеќе од десетина илјади возила.

Продажбата во првите десет месеци од годината достигна бројка од 13.583.559 автомобили во САД, а во Европа 13.572.669 . Во споредба со минатата година кога САД водеше во однос на Европа со разлика од околу 740.000 автомобили.

Големата бројка е и поради растот на продажбата во Велика Британија и Италија, двата најголеми пазари во Европа. Додека во Европа продажбата расте во САД драстично се смалува.

Минатата година во првите десет месеци во САД се продадоа 15.599.970 автомобили што е повеќе за 2.016.411 во однос на 2007.

Аналитичарите предвидуваат дека до крајот на годината во Европа и во САД ќе се продадат грубо по 16 милиони автомобили, но следната година евидентно е дека продажбата на стариот континент ќе ја надмине онаа на новиот.