FXX служи како тестно возило и за технологиите развивани за на улица и за на патека. Но, неговиот 6.2 литарски V12 наскоро би можел да замине во пензија. Заради поголема ефикасност инженерите во Ferrari размислуваат да го заменат гломазниот V12 со V8 битурбо кој ќе се вградува и во наследникот на Enzo кого го очекуваме во 2012.

Ferrari користеше сличен мотор и за својот F40, првиот суперавтомобил на планетава, но оттогш работите се сменија и производителите почнаа да вградуваат поглми V10  и V12 машини во своите суперспортисти.

Причината зошто во Ferrari размислуваат да користат битурбо V8 во својот следен суперавтомобил е бидејќи повеќе не размислуваат да се натпреваруваат со останатите производители во непродуктивната битка: кој ќе произведе помоќен мотор.

„За нас не е само прашањето на моќта. Треба да избереме дали сакаме повеќе моќ за Enzo или помала тежина,” вели техничкиот директор на Ferrari, Роберто Федели.

„Доколку сакамеавтомобил со истиот сооднос на тежина/моќност како кај FXX, тогаш ќе мораме да штедиме на тежина. Во тој случај најсоодветен мотор би бил V8 битурбо. Но, во тој случај ќе мораме да развиеме сосема нов мотор почнувајќи од нула.”

„FXX ќе тестира некои нови иновации кои ги подготвуваме за новиот Enzo,” вели Федели. „Имаме отприлика околу година до година и половина за да се определиме за солуциите пред да почнеме со работа на новиот автомобил.”