Исконскиот автомобил на Fiat, 500 или Cinquecento - што на италијански буквално значи „500” – ги освојуваше срцата на милиони возачи во периодот од 1957 до 1975.

Од неговото воскреснување во 2007 малечкиот 500 докажа дека љубовта никогаш не умира. И денес дополнително ја зацврсти својата позиција во историјата со освојувањето на престижната награда Европски автомобил на годината за 2008.

Опевањата на новинарите за неговиот стајлинг е една работа. Но, да се освојат гласовите од жирито составено од 58 новинари од 22 држави и седум најеминентни магазини за автомбили е нешто сосема друго.

Секако 500 успеа и во тоа. И со прилично голема разлика од 60 поени во однос на второпласираната Мazda 2. Третото место и припадна на Kia Cee’d едвај неколку бода зад Mazda 2. Nissan Qashqai и Mercedes Класа С ги заокружија првите пет места.

Fiat 500 ги освои критичарите со својот совршен микс на модерен и ретро стил и интериер кој неуморно ги комбинира убавината и функционалноста.

Поставен на истата основа како Fiat Panda, 500 исто така е економичен и достапен градски автомобил.