Откако не се остварија плановите за соработка со францускиот PSA и конкурентот од Штудгарт, Mercedes, BMW конечно најде заеднички јазик со Fiat. И италијанците немаа толку среќа нивните планови за соработка со Mercedes исто така пропаднаа. Но, се чини ставен е крај на неволјите.

Fiat и BMW имаат намера во блиска иднина да започнат со заеднички проекти за создавање на нови платформи и мотори. Прв таков проект е создавањето на новата генерација на Mini и Grande Punto.

Втор и секако малку подалечен план е создавање на плтаформа на која ќе бидат поставени BMW Серија 1 и некои нови модели на Alfa Romeo.

Ова го потврдува еден од шефовите на BMW, Фридрих Ајхајнер кој најави заедничкиот развој на платформи и компоненти меѓу BMW и Fiat се однесуваат во прв план на Mini и на Alfa Romeo.

Според него преговорите со Fiat завршиле успешно бидејќи компанијата е отворена за соработка и има големо искуство во соработка со други компании како PSA, Suzuki, Ford па дури и Tata. А од големо значение е и фактот што Fiat сеуште гаи тесни врски со General Motors.

Меѓутоа соработката меѓу BMW и Fiat нема да се задржи само на план на развој. Со најавата на Fiat, поточно на Alfa Romeo за враќање на пазарот во САД во договорот со BMW е вклучено дилерската мрежа на Mini да и дозволи на Alfa Romeo да продава свои модели во нивните продажни салони.

На овој начин Alfa ќе има солидна основа за враќање на најзначајниот пазар на автомобили на светот.