Најевтиниот автомобил на светот Tata Nano преку ноќ стана еден од најскапите автомобили на светот, откако во Tata Motors одлучија да ја посипат со чисто злато од 24 карати и скапоцени камења.

Целта на украсувањето е чисто за рекламни потреби и не се наведува сумата која е издвоена за да се добие скапоцен Tata Nano кој ќе биде изложен на посебно место во фабриката во Бангалор.

Секако ова и е потребно на Tata бидејќи побарувачките за Nano нагло паднаа после серијата самозапалувања и други проблеми со кои се сретнуваа новите сопственици на најевтиниот автомобил на светот.

Tata неодамна одлучи да ја зголеми гаранцијата, а како дел од програмата за подобрување на продажбата се и вградувањето воздушни перници, чисто електрична верзија и многу дополнителна опрема.

Сето ова е дел од програмата и за освојување на странските пазари бидејќи според најавите се подготвуваат верии за пазарите во Европа и во САД.

Дизајнот на позлатената Tata Nano e избран на посебен интерен конкурс на кого се пријавиле 13 дизајнери кои работат во Tata Motors. Во финале влегле тројца, а од нив е избран победничкиот дизајнер.

На фотографиите е победникот и двајцата финалисти.

Tata Nano победник

Tata Nano финалисти