Во 2008 белата била најпопуларна боја на пазарите во Севрена Америка. Ова е втора година по ред како купувачите од северниот дел на новиот континент ја одбираат оваа боја. За разлика од нив во Европа купувачите највеќе ја избираат црната боја и тоа без оглед на сегментот.

Истражувањето на DuPont открива значителни разлики за боите на автомобилите кои се популарни на различни пазари во светот.

Како што рековме во Северна Америка најпопуларна е белата боја за која се одлучуваат дури 20% од купувачите. Од нив 16% ја избираат обичната бела боја, додека 4% се одлучуваат за бисерно бела боја.

Второто место во Северна Америка го делат црната и сребрената боја. За нив се одлучуваат 17% од купувачите. Од тие што сакаат црна боја 11% ја фаворизираат обичната црна боја, а 6% нијанси со посебен ефект.

Во Европа за црна боја и нејзините нијанси се одлучуваат 26% од купувачите на нов автомобил. На второ место е сребрената боја кој привлекува 20%, додека сивата боја ја сакаат 18% од купувачите.

И на Стариот континент има тренд на раст на популарноста на белата боја, иако овој раст не е толку голем како во Северна Америка. Од ново купените автомобили во Европа 10% се бели и нијанси со посебен ефект на белата боја.

Неутралните бои како крем и кафена не уживаат голема популарност и зафаќаат 4%, однсно 2% од продадените нови автомобили во Европа.

Русија пак лудува по сребрената боја вели истражувањето на DuPont. Дури 30% од купувачите се одлучуваат за неа. За црната и за црвената боја се одлучуваат 14% од Русите, 13% сакаат зелена, 12% сина и 10% бела.

Пазарите во Азија исто така ја обожуваат сребрената боја. 32% од купувачите во Кина и 50% од Јужна Кореа сакаат сребрен автомобил. Белата е ја сакаат 28% од Индијците каде таа е најпопуларна, додека веднаш зад неа на второ место во Индија е сребрената за која се одлучуваат 27% од купувачите.

И во Јужна Америка сребрената е на второ место и неа ја одбираат 17% од купувачите. Во Јужна Америка исто како и во Европа и во Индија луѓето лудуваат по црна боја. Со неа се обоени 20% од ново продадените автомобили во Јужна Америка.