Соборувањето на рекордот на Нирбургринг за автомобили со спецификација за возење во редовен сообраќај се случи годинава на 13 август, а главни јунаци во приказната беа супер спортскиот автомобил Gumpert Apollo Sport и 26 годишниот пилот Флориан Грубер.

Грубер и Gumpert Apollo Sport го минаа зелениот пекол на Нордшлајфе за 7 минути и 11,57 секунди што е резултат далеку подобар од 7 минути и 22,1 секунди на Dodge Viper SRT 10 ACR, но и на многу други спортисти со лиценца за возење на улица.

Gumpert Apollo Sport им фрли ракавица в лице и на BMW M3 CSL - 7:22,8 понатаму Maserati MC12 – 7:24,29 па Pagani Zonda F Clubsport - 7:24,65, Ferrari Enzo – 7:25,21, Nissan GT-R кој го подобри резултатот и ја сврте Нордшлајфе за 7:26,7, Porsche Carrera GT – 7:28,71 и многу други.

Резултатот што го постигна Gumpert Apollo Sport се должи на 4.2 литарскиот V8 битурбо на Audi кој остварува 700 КС и ултра современата технологија која се сокрива под каросеријата од карбон-фибер.

Gumpert Apollo Sport спринтува до 200 km/h за 8,9 секунди и остварува максимална брзина од 360 km/h.

Видеото погледенете го тука.