Задолжението, но и честа, да го создаде новиот претседателски автомобил повторно му припадна на General Motors. Лимузината на Обама е наречена The Beast или Ѕвер, поставена на една од платформите на GM и дели компоненти со повеќе различни модели.

Иако однадвор лимузината влече стилски елементи од моделите на Cadillac, таа е поставена на шасија врз која се поставени и големите пикапи кои доаѓаат од погоните на General Motors.

Во надворешниот излгед на лимузината познавачите препознаваат предни светла земени од Cadillac Escalade, предна маска и задни светла од Cadillac STS, додека страничните панели и кровот нормално се посебна изработка.

Каросеријата е направена од елементи од двојно зацврснат челик, авионска легура на алуминиум, титаниум и инженерска керамика заради потребата од максимална заштита на претседателот. Користењето на овие материјали обезбедува заштита дури и од проектил.

Додека однадвор лимузината е олицетворение на цврстина, внатре владее раскош. Ентериерот комплетно е преслечен со рачно штавена и шиена кожа.

Одзади Обама и неговите блиски соработници ќе можат да се опуштата во раскошниот простор, но патем можат и да ги извршуваат предвидените функции, бидејќи автомобилот функционира како самостојна канцеларија со мобилна и интернет конекција, сателитски врски и слично.

Печатот на претстедателот на САД е извезен на средина од задното седиште и на облогата од задните врати. Додека амблем од печатот е залепен на задните врати однадвор.

Безбедноста на Обама ја гарантира околоп сокриен зад страниците на автомобилот и вратите со дебелина од 200 mm, посебната заштита на подот која ја чува кабината од против тенковска мина, зајакнат кров, гуми зајакнати со кевлар отпорни на сечење и на пробивање од зрна од голем калибар и специјални челични бандажи кои можат да возат и без гуми на нив.

Во багажникот е сместен против пожарен систем, борбени пушки сачмарки, двогледи за ноќно гледање, а складирани се и ќесиња со крв со крвна група на Обама.

Очигледно е дека кога е во прашање животот на претстедателот на САД, ништо не се препушта на случајот. Но, тоа има и своја цена, а неа ја плаќааат перформансите.

Претседателската лимузина го плаќа данокот на тежината и затоа неможе да вози побрзо од 60 mph, милји на час, или 96 km/h, a потрошувачката во просек изнесува околу 30 L/100 km безоловен бензин.