Светската продажба на автомобили доживува нова поларизација според која во развиените економии продажбите се забавуваат на сметка автомобилските пазари на земјите кои се во развој.

Минатата година беше надмината границата од 1 милијарда автомобили кои возат по патиштата ширум светот, а годинава иако продажбите се забавени, сепак, во првата половина од годината е забележан раст од 5%.

Останува да се види што ќе се случи со втората половина од годината за да може да се извлече краен заклучок за токот на продажбите, но статистиката вели дека продажбата во развиените земји се забавува, на сметка на новите пазари.

Пазарот кој е гладен за нови автомобили расте не сметка на пазарите во Западна Европа. Така големите автомобилски нации полека ги губат позициите.

За да можат да опстанат и за да можат да ги задоволат зголемените побарувања автомобилските производители отвораат погони во земјите во развој и го насочуваат производството кон помали и поевтини автомобили.

Воедно сведоци сме дека новата поларизација меѓу автомобилските нации ја менува комплетната слика на индустријата, па така индиската Tata Motors е сопственик на значајните марки Jaguar и Land Rover, а кинескиот Geely е сопственик на Volvo.

Индиските и кинеските производители полека го шират своето влијание и по освојувањето на домашните пазари, кои по бројност на жители сочинуваат безмалку половина од светот, се свртуваат кон глобалниот пазар.

Евидентни се обидите за освојување на пазарите во Европа на марки како Tata, Chery, Great Wall Motors кои успешно продаваат на пазарите во Јужна Америка од кои најмногу во Бразил.

Еве како стои распоредот на најголемите автомобилски пазари на светот во 2010 година и очекувани продажби во 2011 година.

1. Кина – 2010 год. 17,6 милиони автомобили - очекувано во 2011 год. 17,7 милиони автомобили - очекуван раст 3%

2. САД – 2010 год. 8,5 милиони автомобили - очекувано во 2011 год. 12,6 милиони автомобили - очекуван раст 8,7%

3. Јапонија – 2010 год. 4,8 милиони автомобили - очекувано во 2011 год. 3,9 милиони автомобили - очекуван раст -19%

4. Бразил – 2010 год. 3,3 милиони автомобили - очекувано во 2011 год. 3,5 милиони автомобили - очекуван раст 5%

5. Германија – 2010 год. 3,1 милиони автомобили - очекувано во 2011 год. 3,4 милиони автомобили - очекуван раст 10%

6. Индија – 2010 год. 2,7 милиони автомобили - очекувано во 2011 год. 2,9 милиони автомобили - очекуван раст 7%

7. Франција – 2010 год. 2,6 милиони автомобили - очекувано во 2011 год. 2,6 милиони автомобили - очекуван раст 0,8%

8. Русија – 2010 год. 1,9 милиони автомобили - очекувано во 2011 год. 2,4 милиони автомобили - очекуван раст 20%

9. Велика Британија – 2010 год. 2,2 милиони автомобили - очекувано во 2011 год. 2,2 милиони автомобили - очекуван раст -2,2%

10. Италија – 2010 год. 2,1 милиони автомобили - очекувано во 2011 год. 2,0 милиони автомобили - очекуван раст -6%

Податоците ги дава Scotiabank