Еден од најкултните и најретките автомобили на светот BMW M1 е огласен за продавање, а го продава американец кој очигледно водел добра грижа за него и сака да остане анонимен.

За овој одлично сочуван примерок на BMW M1 сопственикот бара 130.500 долари и уверува дека автомобилот е како сега да излегол од фабрика. Произведен е во 1980 година и има минато 4.148 оригинални километри.

BMW M1 е огласен за продажба на еBay и до сега има достигнато сума од 156.101 долари. Огласот сеуште не е затворен, а предвидувањата се дека максималната вредност може да достигне 250.000 американски долари.

За читателите што сакаат детали кусата историја за BMW M1 ја опишавме во 2008 година кога автомобилот прослави 30 години, а пишувавме и за концептот Hommage преку кого BMW сака да ја оживее автомобилската икона.