Оригиналната цена по која Bugatti го продаваше Pur Sang изнесуваше 1,4 милиони евра што значи дека сопственикот сака да го зголеми својот профит за мрсни 230 проценти што веруваме е премногу. Но, цената е таа и е неменлива па кој сака нека повели.

Инаку се работи за автомобил кој поминал само 79 километри и е едиствениот Pur Sang на светот кој се продава во моментов. Веќе кажавме дека станува збор за еден вид тјунирана верзија на Veyron, полесна за 100 килограми.

Минусот тежина е добиен со обилно користење на панели од карбон-фибер, а за дополнителна заштеда симната е и бојата од алуминиумските панели кои се исполирани до совршенство.

Како и да е со Pur Sang добивате редок уникат, но исто така треба да имате и уникатно длабок џеб за да си дозволите еден ваков тркачки коњ во ергелата.