Годинава Gumball 3000 се вози по 11. пат и за разлика од минатото кога се селеше од држава, во држава и од континент, на континент годинава рутата, но и организацијата е многу понабиена.

Богатите желни за луда забава годинава возат само низ Соединетите Американски Држави стартувајќи во Лос Ангелес и финиширајќи во 3.000 километри оддалечениот Мајами.

Рутатата ги води учесниците преку Лас Вегас, Грeнд Кањон, Санта Фе, Далас и Њу Орлеанс, а на списокот на пријавени се неоѓаат преку 100 супер спортки и ексклузивни автомобили.

На Gumball 3000 годинава учество земаат ѕвездите како Дејвид Хаселхоф во кастомизиран BMW, спортските ѕвезди во САД, Тони Хок со модификуван Jeep, Дени Кас со модификуван пикап на Chevrolet и Деjв Мира сите со доработен Porsche Cayenne.

Покрај нив на списокот на ексклузиви се и неколку модели на Bugatti Veyron, повеќе модели на Lamborghini, Bentley, класични американски Muscle Cars...

Контроверзните ѕвезди и нивните миленици на четири тркала веќе стартуваа и се впуштаат во нови лудории низ патиштата на САД.

Но, познавајќи ги строгите американски полицајци со кои нема играње и драконските казни веруваме дека беснотилакот на ѕвездите ќе биде скротен.

Трката завршува во петок на 8. мај во Мајами на Oceаn Drive.