Ова не е ништо ново бидејќи индијците веќе од 2006 имаат место во бордот на Fiat и соработуваат интензивно. Станува збор за испорака на мотори од Fiat за автомобилите на Tata.

Влегувањето на Tata во бордот на Fiat се поврзува со откупувањето на дополнителен пакет на акции во Ferrari од страна на Fiat.

Со овој потег производителот од Торино го зголеми својот удел во Ferrari со вкупно 85 проценти од акциите и сеуште се воздржува од продажба на 5 проценти од својот пакет на акции на компанијата Mudabala Development од Арапските Емирати. Ова значи дека лесно може да се случи пакетот на акции од 5 проценти да отиде во рацете на Tata.

Секако еден ваков потег воопшто не би бил на одмет на Ferrari. Причината е многу едноставна. Ferrari планира да влезе поагресивно на брзо растечкиот индијски пазар на автомобили и партнерството со Tata сигурно би било од голема полза.