На прв поглед личи дека станува збор за дело на некој познат уметник кој одлучил да ја посвети своејата инспирација на градот Лондон со украсување на една од улиците на Британската престолнина.

Сепак, не. Се работи за грешка на работниците кои биле задолжени да постават нов асфалт на оштетено парче од една улица во Лондон. Имено работниците не го испланирале времето како што треба.

Свежо поставениот жежок и леплив асфалт бил мамка за илјадниците лисја кои по силен ветар летнале од дрвјата на ближниот парк и се залепиле врз асфалтот давајќи слика како да се насликани од уметник.

Лисјата буквално се запечатени за асфалтот и според граѓаните кои поминуваат од таму нивното вадење нема да оди лесно, а работниците не требале да заминат и да го остават парчето асфалт не покриено.

Како и да е улицата во Лондон личи убаво, проблем ќе биде само сопирањето, посебно за мотоциклите бидејќи лисјата се лизгаат.