Факт е дека од секогаш имало луѓе со доволно пари за да си дозволат еден нов Bentley, но повеќето од нив, барем до сега се откажувале од идејата поради предолгите рокови на испорака.

Со превземењет од страна на Volkswagen и модернизација на производството работите добија поинаков ток. За ова зборува минатогодишната продажба на Bentley од 10.014 нови автомобили испорачани ширум светот. Нов рекорд за производителот на ултра луксузни автомобили.

Вкупниот раст на продажбата во однос на 2006 е поголем за 7 проценти, со тоа што растот е забележан на сите важни пазари во светот вклучувајќи ги тука и Русија и Кина, покрај традиционалните пазари на Bentley, Велика Британија и САД.

Главната причина за ваквиот раст на продажбата е цената во однос на најголемите ривали како што се Rolls Royce и Maybach. Имено моделите на Bentley, купето Continental GT и лимузината Continental Flying Spur се нудат по цена која е два пати пониска од онаа на Rolls Royce Phantom и Maybach 57.

Сепак, извршниот директор на Bentley, Стјуарт Меклоф верува дека парите не се причината за успехот и тврди дека луѓето се одлучуваат за Bentley бидејќи сметаат дека Rolls Royce Phantom им е премногу стереотипен, додека Maybach 57 премногу наликува на Mercedes.

Без оглед на причините со олкав профит Bentley може опуштено да влезе во новата година во која исто така планира зголемување на продажбата.