Volkswagen развива четири нови платформи врз кои ќе почиваат најголемиот дел од автомобилите на групата VW, вклучувајќи нов дизајн и за Lamborghini, Audi и Bentley.

Првата платформа ќе биде со попречно поставен мотор со работен назив MQВ која ќе се користи за моделите од мала-ниска-средна и висока средна класа. Врз оваа платформа би требало да почиваат околу шест милиони возила што ја прави најголема во автомобилската индустрија.

Втората по распространетост платформа е MHB ќе се користи за новата гама на минија вклучувајќи го и концептот up!.

Трета платформа се развива за идните премиум спортски автомобили на VW со централно поставен мотор. И ќе се користи за новата генерација на модели од Lamborghini, а отворена е можноста и за евентуален многу подостапен малечок Bugatti.

Четвртата и последна платформа веќе се наоѓа на улица во форма на новите модели на Audi, A4 и А5. MLB како што се нарекуваа оваа платформа носи надолжно напред поставен мотор за погон на предни или на сите четири тркала. MLB ќе се користи и за новата генерација на А6 и на А8 како и за новиот Paheton и Bentley.

Со поделба на основаната структура и компоненти се очекува трошоците за развој да бидат пониски за 40 проценти.