Кога ќе им заврши животниот циклус батериите од хибридните и електричните автомобили нема да бидат уништувани ниту складирани туку тие ќе напојуваат цели квартови со електрична енергија.

Ова е генерален став на производителите на електрични автомобили. Меѓу нив најнапред се отидени General Motors и Nissan. И двете компании имаат исти планови за што по смртта на нивните електромобили.

Имено откако ќе заврши животниот циклус на Chevrolet Volt и Nissan Leaf голем дел од автомобилите ќе се рециклира, а батериите ќе се користат како резервен извор на енергија за домаќинства и институции.

Според инженерите на GM, 33 комплети на батерии на Volt можат да напојуваат со електрична енергија околу 50 домаќинства за период од 4 часа, или пак, цела болница.

Тие веќе соработуваат со компанијата ABB Group чија основна дејност е рециклирање на батерии, но нивните експерти истакнуваат дека батериите на електромобилите сеуште ќе имаат доволно џус за понатамошно користење.

Nissan исто така соработува со надворешен партнер, во случајот компанијата Toxco која исто така се занимава со рециклирање на батерии и чии инженери ги потврдуваат заклучоците на оние од ABB Group.

Покрај GM и Nissan свој партнер за реупотреба на батериите нашле и Telsa Motors кај европската компанија Umicore, додека од Fisker исто така готват план за батериите на Karma и се во преговори со повеќе компании.