Доколку вашата идеја е неколку пакетчиња гумени бомбони или пак печено месо размислете подобро.

Наполнете пред да појдете
Ако сакате да ја избегнете гужвата ви се чини дека ако го прескокнете доручекот сте заштедиле време. Но, ако се откажете од чинија со омилените корнфлекс подготвени сте само за лошо патување.

Запомнете! Никогаш не возете на празен стомак. Возењето гладен има негативен ефект на расположението и на концентрацијата. Исто така се станува лесно раздразлив. Тоа никогаш не е добро на пат.

Каква храна?
За жал пржениците никогаш не биле добра храна за на пат. Едноставно и полно со јагленохидрати. Тие ќе ја обезбедат потребната енергија и ќе ви помогнат да се сконцентрирате и да не заспиете на волан.

Сепак не сите јагленохидрати се исти. Тие ја испорачуваат енергијата која се мери со нешто што се нарекува „Индекс на глкемичност” или ИГ.

Белите пецива и пенливите пијалици со висок ИГ нагло даваат енергија, но по првичната експлозија брзо огладнувате. Возачите треба да козумираат храна са низок или среден ИГ која обезбедува мирен и постојан проток на енергија.

Тањир полн со мусли или овесни снегулки со низок ИГ е одличен избор. Или пак може да се одлучите за тост со среден ИГ.

 
Не се прејадувајте
Спротивставете му се на искушението за уште една крофна за време на паузата бидејќи прејадувањето нема да се одрази позитивно на вешето возење.

Избегнувајте обилни оброци, посебно мрсна храна полна со протеини. Ако се изнауживате во нешто мрсно, храната нема да се свари и ќе чувствувате прејаденост, а можно е и нагон за повраќање.

Место тоа практикувајте три до четири лесни оброци во неколку еднакви интервали во текот на денот.

Мирни патници за мирен пат
Тешко е да претпоставите што е полошо. Деца што повраќаат во задниот дел од автомобилот или што рипаат на задната клупа од возбуда. Можете да ја смалите опасноста и од двете со разумен избор на храна.

Жално за децата но добро за вас и за патувањето ако останат без омилените чоколади и газирани сокчиња. Стомаци полни со меурчиња побрзо сакаат да бидат изпразнети од оние полни со обична вода, додека нападот од шеќер предизвикува хиперактивност.

Доколку благото е потребно дали за вас или за децата тогаш задоволете се со овошје како кајсии, банани или грозје.

Ајде будење!
Заморот е главен виновник за повеќето сообраќајни незгоди. Затоа да се остане буден е од витално значење. Ако се придржувате на претходните напатсвија храната не би требало да ве успие.

Доколку сепак се фатите дека станувате поспани, запрете и задоволете се со кофеинска „инекција”.

Филџан кафе или соодветен енергетски пијалок ќе ве разбуди и ќе ја поттикне концентрацијата. Мора да знаете дека се потребни 15 до 30 минути за кофеинот да почне да делува.

Кога јадете и пието важно е да не го правите тоа додека возите. Застанете, земете малку свеж воздух, раздвижете се. Ова освежување е подеднакво важно како храната што ја конзумирате.

Истражувањата откриваат дека возачи што сркаат вода од шише додека возат и грицкаат благо од кеса имаа два пати поголема шанса да доживеат сообраќајна незгода од оние што не го прават тоа.   

 
Индекс на гликемичност - ИГ
Еве кус список на храна распоредена по степенот на гликемичност.

Храна со висок ИГ
Ѓеврек, бел леб, ориз, пица, пржен или печен компир, чипс, газирани пијалоци, суво грозје, чоколадо.

Храна со среден ИГ
Мусли, резанци, грашок, шпагети, бисквити, варен компир, моркови, свежо грозје, банана, портокал, сок од овошје.

Храна со низок ИГ
Јаболка, суви кајсии, грав, леќа, млеко, јогурт са ниска масленост.