Иако до пред крајот на 2007 не се знаеше дали купето со четири врати воопшто ќе влезе во програмата за производство, но како што може да се види на шпијунската фотографија дефинитивно Rapide добил зелено светло.

Очигледно е дека одговорните во Aston Martin сакаат да го имаат вистинскиот одговор на Porsche Panamera кога ќе се појави на пазарот. Можеби Rapide ќе зафаќа мал дел од пазарниот колач во споредба со останатите модели на Aston, но се чини дека денес е подобро да се има уште еден ас во ракавот како одогвор на нападите од конкуренцијата.

По преселбата во новите капацитети во Гајдон, се чини дека производството на Rapide ќе претставува проблем. Затоа Aston Martin преговара со неколку мали производители како Pininfarina, Karmann, Magna-Steyr и Valmet за можна преселба на производството.

Точниот датум за појавување пред светската јавност уште не е одреден, ито како и стартот на продажбата, но веруваме дека нема да мине долго кога финалната верзија ќе можеме да ја видиме во целост, наспроти маскираните детали од уловените шпијунски фотографии.