Фотографиите направени од ловците на автомобили сосем јасно го претставуваат Х1 со неговиот конечен изглед. Вклучувајќи ги предната маска и светла како и обликот на задните светла.

Според најавите од Минхен, Х1 треба да се појави на пазарот во Европа кон крајот на годината како модел за 2010, или пaк, евентуално на почетокот на следната година. На пазарот во САД ќе се појави дури цела година подоцна.

BMW X1 ќе ја дели платформата со Mini Crossman, а според дизајнот може да се заклучи дека личи на комбинација од многу актуелни модели на производителот од Баварија, но затоа предните светла се уникатни.

BMW Х1 ќе има постојан погон на четири тркала и на стартот од продажбата ќе биде понуден како xDrive18i и xDrive18d. Подоцна ќе пристигнат иверзиите xDrive20d и xDrive23d. Врвот на понудата е загарантиран за xDrive28i.