Се претпоставува дека малечкиот ван ќе го носи името B-Max и со него Ford за првпат ќе влезе во брзорастечкиот сегмент на малечки ванови. B-Max ќе биде позициониран под нeговиот поголем брат C-Мax.

Планот на Ford, актуелниот Fusion да стане главен конкурент на Opel Meriva и Renault Modus не успеа. Малечките ванови едноставно имаа многу подобра прифатеност од публиката на европскиот пазар отколку Fusion.

Токму ова е причината која доведе до одлука да се смени концептот што треба да се бори во дадениот сегмент. Амбициите на Ford се наследникот на Fusion, B-Max, да постигне значително поголем успех, односно да зграби што поголемо парче од пазарниот колач.

Сепак, и покрај очекувањата на Ford, B-Max го чека жестока борба во освојувањето на купувачи. Негов најголем конкурент ќе биде наследникот на Opel Meriva кој иста така се очекува да пристигне во 2009.

B-Max би требало да ја освои публиката со својот дизајн. Атрактивните линии кои ги следат смерниците поставени од новата Fiesta со ниска предница, кренат задник, големи испакнати арки над тркалата B-Max личи динамично па дури и агресивно.

Силна страна на B-Max ќе бидат агрегаттите кои се најавени за новиот Focus. Станува збор за турбо бензинци со зафатнина од 1.0 и 1.6 литри  и моќност од 89 и 108 коњски сили за помалиот и 148 и 178 коњски сили за поголемиот мотор.

Покрај нив тука е и новиот дизел со зафатнина од 1.6 литри и рапон на моќност од 89, 108 и 128 коњски сили. На база на овој дизел е биде произведена и еколошката верзија на B-Max наречена Econetic.    

Развојот на B-Max е во завршна фаза. Сепак, неговото претставување пред светската јавност се очекува на салонот во Франкфурт 2009, а производството би стартувало веднаш потоа во фабриката на Ford во Крајова, Романија. Продажбата е закажана за почетокот на 2010.

Ford планира од производните ленти во Крајова годишно да се симнуваат по 100.000 примероци на B-Max.