|
02.03.2009 |
 Претставувањето на концептниот родстер на Volkswagen на салонот
во Детроит наречен BlueSport всушност е најава
за платформа на која ќе почиваат цела низа на проекти.
Според најавата на престижниот германски магазин Auto
Motor und Sport, групацијата VW планира на истата
основа да постави неколку модели кои покрај беџот и дизајнерскиот печат на Volkswagen ќе ги
носат и беџовите и дизајнерските смерници и на Seat и на Skoda.
AMS во разговор со некој од одговорните лица во групацијата VW кој сакал
да остане анонимен дознава дека првиот родстер ќе пристигне на пазарот за 2 до
3 години и ќе го носи беџот на Volkswagen.
Истата година ќе биде претставен и родстерот со беџ на Skoda, додека
верзијата со беџот на Seat ќе се појави цела година подоцна.
Во центарот на шасијата ќе работат турбо бензинците и
турбо дизелите на Volkswagen, TFSI и TDI.
Интересна е одлуката на одговорните во групацијата еден
ваков спортски модел прво да го носи беџот на Skoda, ако се
знае дека позицијата на шпанскиот производител е да се препознава како спортска
марка.
Од друга страна Skoda во групата е
позиционирана како производител на семејни возила кои се нудат по прифатливи
цени и не е јасна логиката зошто во Volkswagen сакаат да создадат
ваква внатрешна конкуренција со три безмалку идентични родстери во еден олку
тесен сегмент.
|
