Доказ за направениот фејслифт и конечниот изглед на обновената верзија се фотографиите на немаскиран примерок уловен на улиците во Жлина, Словачка каде што и се произведува Cee`d.

Од она што може да се забележи на фотографиите разубавениот модел има нова повпечатлива предна маска, нови светла, преден браник со трапезна решетка, нова хауба и ретровизори со вградени трепкачи.

Дизајнерските измени му даваат на автомобилот значително подинамичен лик додека дополнителните странични крилца на предниот браник и пошироките прагови покажуваат дека се работи за некоја верзија со спортски кит.

И додека предницата е комплетно нова, задниот дел претрпел значително помали измени. Малку е сменет дизајнот на браникот и оптиката на задните светла чив облик останува не сменет.

Внатре се забележува новиот дизајн на воланот и на централната конзола која сега има држачи по примерот на моделите на Audi. Редизајнирани се и инструментите, но и радио уредот.

Сеуште не се знае дали покрај освежениот дизајн Cee`d доаѓа и со модернизирана механика. Секако сето ова ќе се дознае на светската премиера на претстојниот салон во Франкфурт.