Долго очекуваното купе на Toyota, FT-86 чија светска премиера е закажана за во декември за салонот во Токио повторно е уловено како тестира на Нирбугринг, но сега со инженерите на Gazoo Racing.

Целта е учество на Шампионатот на издржливост на Нирбугринг наречен VLN кој се вози секоја сезона на северниот круг на патеката Нирбугринг во организација на повеќе мотоспорт клубови кои се членки на шампионатот.

Шампионатот на издржливост на Нирбугринг е составен од 10 трки, а на него учествуваат подеднакво и аматерски и професионални клубови, возачи и возила.

Toyota и Gazoo Racing токму тука ја гледаат шасната за промоција на FТ-86 на пазарите во Европа, посебно германскиот пазар каде се очекува најголема побарувачка.

Автомобилот што се подготвува за следната сезона се разликува од серискиот модел по големото задно крило и налепниците на кои се препознава брвата бруква од името на Gazoo Racing.

Што точно се сокрува под хауба на овој тркачки FT-86 сеуште не се знае. Се претпоставува дека напред брмчи доработена верзија на 2.0 литарскиот турбо Боксер на Subaru која испорачува преку 300 КС.

Техничките податоци на тркачкиот FT-86 ќе бидат објавени непосредно пред стартот на сезоната. Но, се шекулира дека тоа може да се случи и порано, бидејќи од сезоната на VLN остануваат уште две трки.

Едната се вози на 29-ти октомври, а другата на 10-ти декември. Се верува дека тркачкиот FT-86 ќе се појави на патеката сега во сабота на претпоследната трка од сезоната.