Затоа не чуди фактот дека инженерите во Mercedes забрзано работат за да го завршат развојот на новиот CLK. Планот е новото купе базирано на палтформата на новата Класа С да се појави на пазарот уште годинава, а доказ за тоа се неодамнешните шпијунски фотографии од тестното муле.

Новиот CLK носи дизајнерски елементи кои значително ќе го разликуваат од постоечката лимузина од Класа С. Пред се станува збор за предните светла кои ќе бидат одвоени, но место форма на елипса го следат правецот на новата генерација на Класа Е која ќе добие квадратни проектори.

Моторите, менувачите и трансмисијата целосно ќе бидат превземени од Класа С вклучувајќи ги и 3.5 литарскиот V6 со 272 коњски сили и 5.5 литарскиот V8 со 450 коњи кој воедно ќе биде и врвот во понудата барем до пристигнувањето на верзијата од AMG со 481 КС извлечени од 6.2 литарскиот V8. CLK ќе може да се добие и со погонот на четири тркала на Mercedes наречен 4Matic, а се зборува и за можен хибрид.

Во Mercedes се тврдат дека со напредната технологија што ќе биде вградена во купето набрзо ќе го вратат приматот. Причина за ваквите тврдења е вградувањето на скапи уреди од знаменосецот на марката Класа S.

Значи CLK ќе го носи системот Presafe Brake Asist, потоа неговиот возач полесно ќе се снаоѓа ноќе со помош на системот Night Vision, туке е и најновиот систем COMAND, како и активната суспензија.

Се очекува CLK да биде претставен во март на салонот во Женева, а продажбата да стартува кон крајот на 2008. Секако CLK неможе без кабрио кој треба да се појави една година по купето.