Одлуката на Mercedes веројатно е подтикната и од фактот дека досега CLS немаше вистински конкурент на пазарот, но наскоро тоа ќе се смени.

На пат се два модели на купеа со четири врати. Едниот доаѓа од Porsche, a другиот од Aston Martin. Извесен ризик за Mercedes доаѓа и од најавата за Passat Coupe но, сепак тука станува збор за различни класи.

Фејслифтот на CLS како што покажуваат фотографиите за сега ги опфаќа предната маска и задниот дел на автомобилот. Предната маска сега наликува на купето со две врати CL, а од зади се кријат многу поголеми промени кои за сега се сокриени зад камуфлажата.

Она што е очигледно е дека нови се задните светла и задниот браник. За да ги дознаеме сите детали ќе мора да се стрпиме до средината на 2008 кога ќе биде претставена модернизираната верзија на CLS.