Фотографиите недвосмислено укажуваат на дизајн превземен од концептот F700 кој лани беше претставен на салонот во Франкфурт. Замката е во тоа што малкумина очекуваа дека F700 ќе се претвори во следната генерација на Класа S која ќе се појави во 2012.

Новата Класа S ќе ја задвижуваат цела плејада од V6, V8 и V12 атмосферски и турбо мотори, а ќе профитира и од хибриден погон кој премиерата ќе ја доживее во налседникот на Класа Е. Новина е еден моќен бензински четирицилиндарец и најавениот Diesotto кој оригинално беше претставен во F700.

Од F700 ќе биде наследена и активната суспензија PRE-SCAN кој го чита патот со помош на пар ласери и автоматски го поддесува соодветниот сетап. Второ наследство е SERVO-HMI, Human Machine Interface, кој нуди виртуелен асистент во возењето со кого возачот директно комуницира.

Хибридот ќе носи нови литиум-јонски батерии претставени исто така во Франкфурт на концептот S400 Bluetec Hybrid , задвижуван од четирицилиндарец врзан со хибриден погон со максимална моќност од 224 коњски сили и максимален вртежен момент од 560 Nm, со просечна потрошувачка од 5,34 l/100 km.