Според информациите кои доаѓаат од компанијата новите мини модели ќе бидат поставени на сосема нова платформа која произлегува од соработката меѓу BMW и Fiat и за чија изградба обилно се користи алуминиум и композити.

Поточно шасијата, односно просторната рамка која ќе го сочинува патничкиот кафез и на која ќе биде поставена механиката е изработена од алуминиум, додека панелите што ја формираат каросеријата ќе бидат изработени од композитни материјали.

Интересно е што новата генерација на мини модели ќе имаат погон на задните тркала, кабината ќе има простор за превоз на четири патници и ќе има големи стаклени површини.

Под хаубата ќе работи широка лепеза на ултра економични бензински и дизел агрегати со мала зафатнина кои ќе бидат дело на генијалните конструктори на мотори на BMW.

Се очекува поголемиот дел од агрегатите да бидат опремени со турбо натполнење, а во план е изработка на верзија која место класичен агрегат ќе користи електромотори поставени во главчините на секое од четирите тркала и литиум-јонски акумулаторски батерии.

Иако се знае дека концептот ќе биде претставен во Франкфурт, прецизен датум кога новиот Mini ќе влезе во серија нема.