Премиерата се очекува да биде на салонот во Женева по што ќе стартува и комерцијализацијата на автомобилот. До тогаш веќе ќе биде претставн Golf VI кој би требало да стартува со продажба годинава на есен, а веќе видени ќе бидат и обновениот Ford Focus и актуелниот Fiat Bravo, но и Renault Megane чија премиера се очекува годинава на салонот во Париз.

Новата Astra сеуште се наоѓа на зимско тестирање некаде во Скандинавија каде е и фатена од папараците, но за жал од масивната камуфлажа неможе скоро ништо да се наѕре, ниту да се претпостават дизајнерските смерници.

Но, ако се оди по некоја аналогија најверојатно однадвор новата Astra ќе го следи дизајнот поставен од поголемиот брат Opel Insignia и новата генерација на Meriva.

Палетата на каросериски верзии ќе биде задржана од актуелниот модел, па така покрај основната верзија со пет врати, на пазарот ќе се појави и купето GTC, караван и купе-кабриолет Twin-Top.