Новиот чист дизел се базира на сегашниот 2.2 литарски i-CDTi. Accord наменет за европскиот пазар и опремен со софистицирана верзија на дизелот 2.2, способен да мине 100 km со 4,49 литри, веќе беше претставен на конвенцијата за дизел-технологија во Калифорнија.

Новата генерација на мотори ќе и помогне на Honda да продава дизели во САД кои неодамна воведоа нови уште построги стандарди за емисија на издувани гасови.

Дизелот од Honda ќе користи нов катализатор кој го намалува количеството на Азотен оксид NОx претворајќи го во амонијак, а потоа го користи амонијакот за понатамошно неутрализирање на NОx. Овие дизели треба да го заменат Accord V6 Hybrid наменет за американскиот пазар кој не го постигна посакуваниот успех.

Автомобилите на фотографиите се следната генерација на Accord Coupé и седан наменети за американскиот пазар. Претставувањето е закажано за септември. Дизјнот на купето е инспириран од концептот претставен годинава на салонот во Детроит. Црниот седан е брат близнак на европскиот Accord.