Популарниот седан на Audi од средната класа ќе вози со нова платформа, истата која веќе сега ја возат купеата A5 и S5, а во иднина ќе ја користи и компактниот спортски теренец Q5. Со концептот на новата плаформа носот на возилото повеќе нема да биде толку истурен нанапред како досега, туку ќе биде значително скусен, а за сметка на тоа моторот ќе се помести поназад, заедно со менувачот. Со тоа предните тркала повеќе нема да бидат толку оптоварени како досега и ќе се добие поголема управливост на возилото.

Палетата на мотори веќе ни е позната од купето А5. Стартот ќе биде 1.8 TFSI со 130 КС, а на врвот од понудата ќе стои 4,2 V8 FSI. Во новата четворка ќе се вградуваат и моторит од новата генерација TDI, со силина до 240 КС. Секако дека покрај нормалните верзии со погон напред ќе се нудат и верзии quattro (с распределба на силата 40:60 меѓу предните и задните тркала).

Продажбата на лимузината ќе почне веднаш по премиерата во Франкфурт, а комби верзијата Avant се очекува  во 2008 година.